कोल्हापूर: पश्चिम महाराष्ट्र विकास आराखड्यांतर्गत श्री महालक्ष्मी (अंबाबाई) मंदिर परिसरातील नूतन प्रदक्षिणा मार्ग व परिवार देवता मंदिर संवर्धन कामकाजाचा शुभारंभ केंद्रीय गृहमंत्री अमित शाह यांच्या हस्ते शनिवारी, २० जून रोजी सकाळी पार पडला. या कार्यक्रमाच्या निमित्ताने कोल्हापूर येथील पोलीस ग्राऊंड, लाईन बझार येथे एका भव्य कृतज्ञता सोहळ्याचे आणि जाहीर सभेचे आयोजन करण्यात आले होते.

या सभेत उपस्थित जनसमुदायाला संबोधित करताना केंद्रीय गृहमंत्री अमित शाह यांनी उपमुख्यमंत्री एकनाथ शिंदे यांच्या नेतृत्वाखालील पक्षाबद्दल महत्त्वपूर्ण भाष्य केले.

आपल्या भाषणात अमित शाह म्हणाले की, "पूर्वी शिंदेजींच्या मागे शिवसेना 'शिंदे गट' असे म्हणावे लागत असे. मात्र, आता कोणताही गट उरलेला नाही, हीच खरी शिवसेना आहे". या विधानातून त्यांनी एकनाथ शिंदे यांच्या शिवसेनेला अधिकृत मान्यता असल्याचे स्पष्ट संकेत दिले आहेत.