कोल्हापूर  : फिफा वर्ल्ड कप २०२६ च्या पहिल्या उपांत्य फेरीत आज फुटबॉल विश्वातील दोन दिग्गज संघ, फ्रान्स आणि स्पेन, एटी अँड टी (AT&T) स्टेडियमवर एकमेकांना भिडणार आहेत. हा हाय-व्होल्टेज सामना भारतीय वेळेनुसार आज मध्यरात्री १२:३० वाजता खेळवला जाणार असून, या सामन्यातील विजेता संघ थेट १९ जुलै रोजी न्यू जर्सीच्या मेटलाइफ स्टेडियमवर होणाऱ्या अंतिम सामन्यात आपले स्थान निश्चित करेल.

फ्रान्सचा संघ सलग तिसऱ्यांदा विश्वचषकाच्या फायनलमध्ये पोहोचून नवा विक्रम प्रस्थापित करण्यासाठी सज्ज झाला आहे, तर दुसरीकडे गेल्या ३६ सामन्यांत एकही पराभव न पत्करलेला स्पेनचा संघ आपल्या अजेय घोडदौडीसह मैदानात उतरणार आहे.

 फ्रान्सची सर्व मदार किलियन एम्बापे आणि उस्मान डेम्बेले यांच्या आक्रमक खेळावर असेल, तर स्पेनच्या भक्कम बचावफळीसह युवा स्टार लामीन यमाल या सामन्यात 'एक्स फॅक्टर' ठरण्याची शक्यता आहे. आजच्या या थरारक सामन्यात ऐतिहासिक विक्रमाची नोंद होणार की स्पेनची विजयी लय कायम राहणार, हे पाहणे फुटबॉल चाहत्यांसाठी पर्वणी ठरेल!