कोल्हापूर : कोल्हापूर शहरातील शाहू मिल चौकात आज (दि.७) भीषण अपघात झाला. या अपघातात भाग्यश्री लक्ष्मण गवळी (वय ३०, रा. कसबा बावडा) आणि दीपक महादेव वंशी (वय ६२, रा. सनगर गल्ली, कोल्हापूर) या बाप लेकीचा दुर्दैवी मृत्यू झाला. पोलिसांनी तत्काळ घटनास्थळी दाखल होत कार रस्त्यावरुन बाजूला करता वाहतूक सुरळीत केली. मात्र, अपघातस्थळी नागरिकांनी मोठी गर्दी केली होती.

शाहू मिल चौकात भरधाव चारचाकीने दुचाकींना उडविले. या भीषण अपघातात घटनास्थळीच दोन जणांचा मृत्यू झाला. अपघातात आणखी पाच जण गंभीर जखमी झाले आहेत. जखमींना तातडीने रुग्णालयात दाखल करण्यात आले आहे.

 अपघातानंतर काही काळ या मार्गावरील वाहतूक विस्कळीत झाली होती. अपघातस्थळी नागरिकांनी मोठी गर्दी केली होती.