कोल्हापूर : रांगोळी येथील संवेदनशील खुनाचा गुन्हा उघडकीस आला. याप्रकरणी तीन आरोपींना अटक करण्यात आली. ही कारवाई स्थानिक गुन्हे अन्वेषण कोल्हापूर शाखेने केली.

दिनांक 29 जानेवारी रोजी रात्रौ 9.30 ते 10.00 च्या दरम्यान  काळम्मावाडी वसाहत, स्मशानभुमीजवळ रांगोळी, ता. हातकणंगले येथे  शुभम कुमार सादळे, व.व. 27. रा. रांगोळी, ता. हातकणंगले याच्यावर आरोपी दर्शन कांबळे, सागर माने व त्यांचा एक साथीदाराने मिळून आरोपी दर्शन कांबळे याच्या बहिणीस पळवून नेण्यामध्ये शुभम सादळे याने मदत केल्याचा राग मनात धरुन शिवीगाळ करुन  हत्यारानी शुभम सादळे याचे पोटात वार करून त्याचा निघृन खून केला होता. याबाबत शिवाजीनगर पोलीस ठाण्यात  गुन्हा दाखल करण्यात आला होता.

 तपास पथकास  गुन्ह्यातील  आरोपी हे अतिग्रे फाटा, ता. हातकणंगले येथे येणार आहेत अशी माहिती मिळाली.  तपास पथकाने अतिग्रे फाटा हातकणंगले येथे दि. 31 जानेवारी रोजी सापळा लावून संशयित आरोपी  1) दर्शन महेश कांबळे वय 22, रा. एमएसईबी जवळ, माळभाग, रांगोळी, ता. हातकणंगले,  2) सागर सुनिल माने वय 33, रा. आंबेडकर नगर, माळभाग, रांगोळी, ता. हातकणंगले,  व 3) प्रथमेश उर्फ पेप्या रविंद्र कांबळे वय 23, रा. आण्णा भाऊ साठे समाज भवन जवळ, रांगोळी, ता. हातकणंगले,  यांना ताब्यात घेतले. नमुद आरोपींना ताब्यात घेतलेनंतर त्यांचेकडे प्राथमिक चौकशी केली असता त्यंनी नमुद गुन्हा केल्याची कबुली दिली आहे. त्यानंतर आरोपींची वैद्यकीय तपासणी करून त्यांना गुन्हयाचे अधिक तपासकामी शिवाजीनगर पोलीस ठाणेचे ताब्यात दिले आहेत. यातील आरोपी सागर सुनिल माने हा रेकॉर्डवरील गुन्हेगार आहे.

सदरची कारवाई पोलीस अधीक्षक,  योगेश कुामर गुप्ता ,  अपर पोलीस अधीक्षक,  आण्णासाहेब जाधव  व उपविभागीय पोलीस अधिकारी  विक्रांत गायकवाड सो यांचे मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक  सुशांत चव्हाण, पोलीस उपनिरीक्षक  संतोष गळवे तसेच पोलीस अंमलदार सागर चौगुले, विशाल चौगुले, राजू कोरे, गजानन गुरव, नवनाथ कदम, प्रदिप पाटील, अनिल जाधव, सुशिल पाटील, राजेंद्र वरंडेकर, रोहीत मर्दाने, निवृत्ती माळी, संदीप बेंद्रे, विजय इंगळे व योगेश गोसावी यांनी केली आहे.