महाराष्ट्र पोलीस दलात मोठे फेरबदल; ९ आयपीएस अधिकाऱ्यांच्या बदल्यांचे आदेश जाहीर; सातारा, सांगली, कोल्हापूर, जळगाव आदी जिल्ह्याचा समावेश
schedule20 Apr 26 person by visibility 126 categoryराज्य
मुंबई: महाराष्ट्र शासनाच्या गृह विभागाने आज राज्य पोलीस दलातील ९ वरिष्ठ भारतीय पोलीस सेवा (IPS) अधिकाऱ्यांच्या बदल्यांचे आदेश निर्गमित केले आहेत. प्रशासकीय कारणास्तव करण्यात आलेल्या या बदल्यांमध्ये सातारा, सांगली, कोल्हापूर आणि जळगाव यांसारख्या महत्त्वाच्या जिल्ह्यांच्या पोलीस अधीक्षकांचा समावेश आहे.
बदली झालेल्या अधिकाऱ्यांची नावे आणि त्यांची नवीन नियुक्ती खालीलप्रमाणे आहे:
तुषार दोषी: पोलीस अधीक्षक, सातारा येथून आता पोलीस अधीक्षक, सांगली म्हणून नियुक्ती.
निखिल पिंगळे: पोलीस उप आयुक्त, पुणे येथून पोलीस अधीक्षक, सातारा पदी बदली.
संदीप घुगे: पोलीस अधीक्षक, सांगली येथून आता पोलीस उप आयुक्त (सुरक्षा), राज्य गुप्तवार्ता विभाग, मुंबई म्हणून पदभार स्वीकारतील.
योगेश गुप्ता: पोलीस अधीक्षक, कोल्हापूर येथून पोलीस उप महानिरीक्षक, गडचिरोली परिक्षेत्राचा अतिरिक्त कार्यभार सोपवण्यात आला आहे.
निलोत्पल: पोलीस अधीक्षक, गडचिरोली येथून आता पोलीस अधीक्षक, कोल्हापूर म्हणून काम पाहतील.
एम. रमेश: अपर पोलीस अधीक्षक, गडचिरोली यांची पदोन्नतीने त्याच जिल्ह्यात पोलीस अधीक्षक म्हणून नियुक्ती करण्यात आली आहे.
महेश्वर रेड्डी: पोलीस अधीक्षक, जळगाव येथून पोलीस अधीक्षक, राज्य गुन्हे अन्वेषण विभाग (CID), पुणे येथे बदली.
श्रीकांत ढिवरे: पोलीस अधीक्षक, धुळे यांची जळगावच्या पोलीस अधीक्षक पदी वर्णी लागली आहे.
राजकुमार शिंदे: पोलीस उप आयुक्त, पुणे यांची पोलीस अधीक्षक, वाशिम म्हणून नियुक्ती करण्यात आली आहे.
हा शासन आदेश महाराष्ट्र पोलीस अधिनियम १९५१ च्या कलम २२ (न) मधील तरतुदींनुसार, सक्षम प्राधिकाऱ्यांच्या मान्यतेने आज, २० एप्रिल २०२६ रोजी जारी करण्यात आला आहे. गृह विभागाचे सह सचिव सुग्रीव धपाटे यांच्या स्वाक्षरीने हे आदेश काढण्यात आले असून, संबंधित अधिकाऱ्यांना तात्काळ नवीन पदाचा कार्यभार स्वीकारण्याच्या सूचना देण्यात आल्या आहेत.
