◼️आजअखेर आरोग्य अभियानातील लाभार्थ्यांची संख्या ९ हजार २१० वर

हसूर : सहकारमहर्षी स्व. शामरावअण्णा पाटील यड्रावकर यांच्या पुण्यतिथीनिमित्त शिरोळ तालुक्यात राबविण्यात येत असलेल्या मोफत आरोग्य व नेत्र तपासणी अभियानांतर्गत हसूर येथे आयोजित शिबिरात ३८३ नागरिकांची तपासणी करण्यात आली. यामध्ये २५१ नागरिकांची नेत्र तपासणी, तर १३२ नागरिकांची आरोग्य तपासणी करण्यात आली. या शिबिरानंतर अभियानातील एकूण लाभार्थ्यांची संख्या ९ हजार २१० वर पोहोचली आहे.
आमदार डॉ. राजेंद्र पाटील यड्रावकर सोशल फाउंडेशन आणि शरद आयुर्वेद मेडिकल कॉलेज, हॉस्पिटल अँड रिसर्च सेंटर, यड्राव यांच्या संयुक्त विद्यमाने या शिबिराचे आयोजन करण्यात येत आहे. ग्रामीण भागातील नागरिकांना मोफत आरोग्यसेवा उपलब्ध करून देणे, विविध आजारांचे वेळेत निदान करणे आणि आरोग्याविषयी जनजागृती करणे, हा या अभियानाचा मुख्य उद्देश आहे.

स्व. शामरावअण्णा पाटील यड्रावकर यांच्या पुण्यतिथीनिमित्त सुरू असलेल्या या अभियानाला शिरोळ तालुक्यातील विविध गावांमध्ये उत्स्फूर्त प्रतिसाद मिळत आहे. हसूर येथील शिबिरातही नागरिकांनी सहभाग नोंदवत मोफत आरोग्य व नेत्र तपासणीचा लाभ घेतला. या उपक्रमामुळे ग्रामीण भागातील नागरिकांना गावातच आरोग्य तपासणीची सुविधा उपलब्ध होत असून, आजारांचे वेळीच निदान करण्यास मदत होत आहे.

यावेळी बाबासाहेब पाटील, नेमगोंडा पाटील, पायगोंडा पाटील, मलगोंडा पाटील, आप्पासो चौगुले, रावसो मिनचे, रमेश चौगुले, तेजकुमार माणगांवे, बंडु माणगांवे, अभिजित पाटील, चेतन पाटील, देवराय कांबळे, अनीता पाटील, कुसुम पाटील, सुशिला माणगांवे यांच्यासह मान्यवर उपस्थित होते.