◼️ 2 नोव्हेंबर पासून वाटप करणार; डॉ. विनय कोरे यांची माहीती

वारणानगर : वारणा सहकारी दूध उत्पादक संघाच्या वतीने दीपावली 2026 निमित सभासदांना प्रती वर्षी प्रमाणे तूप देण्यात येणार असल्याची माहीती आमदार डॉ. विनय कोरे यांनी दिली. दि 2 ते
 15 नोव्हेंबर या कालावधीमध्ये संबंधित प्राथमिक दूध संस्था, संघाची वितरण केंद्रे व वितरक यांच्यामार्फत संघाच्या सभासदांना तूप वाटप करण्यात येणार आहे

वारणा दूध संघाच्या ज्या अ वर्ग सभासदांनी शेअर पूर्ण केले आहेत व जे उत्पादक दुधाचा गावातील दूध संस्थामार्फत संघास दूध पुरवठा करतात. अशा अ वर्ग सभासदांना, ब वर्ग संस्था सभासदांना व राज्यभरातील क वर्ग ग्राहक सभासदांना संघामार्फत दरवर्षी महाशिवरात्री, गणेशचतुर्थी, व दिपावली या सणांना सवलतीचे दरात तूप भेट म्हणून दिले जाते.

वारणा दूध संघाच्या कार्यक्षेत्रातील दूध संस्थाच्याकडे सभासदांना दि. 2 नोव्हेंबर ते 15 नोव्हेंबर या कालावधीमध्ये तूप वितरण केले जाणार आहे. याबाबतचे परिपत्रक देखील संघाने संबंधीत सर्व दूध संस्थाना पाठविले आहे. कोल्हापूर व परिसरातील अ वर्ग व क वर्ग सभासदांचे तूपाचे स्टेशन रोड कोल्हापूर विक्रि केंद्रातून दि. 2 नोव्हेंबर पासून वाटप सुरु होईल.

◼️सभासदांचे सोईचे दृष्टीने कोल्हापूर येथील अ वर्ग व क वर्ग सभासदांसाठी सभासद यादी क्रमांकानुसार वाटप करणेत येणार आहे.

1) अ वर्ग सभासद यादी क्र. । ते 500 दि. 2 व 3 नोव्हेंबर 2026

2) अ वर्ग सभासद यादी क्र. 501 ते 1188 दि. 4 व 5 नोव्हेंबर 2026

◼️तसेच कोल्हापूर येथील क वर्ग सभासदाना

1) क वर्ग सभासद यादी क्र. 1 ते 500 दि. 6/11/2026 व 7/11/2026

2) क वर्ग सभासद यादी क्र. 501 ते 1000 दि. 8/11/2026 व 9/11/2026

3) क वर्ग सभासद यादी क्र. 1001 ते 1500 दि. 10/11/2026 व 11/11/2026

4) क वर्ग सभासद यादी क्र. 1501 ते 1978 दि. 12/11/2026 व 13/11/2026

या मुदतीमध्ये ज्या सभासदाना तूप घेता आले नाही त्यांना दि. 14 नोव्हेंबर या तारखेस कोल्हापूर विक्रि केंद्रातून तूप देणेची व्यवस्था करणेत आली आहे.

कोल्हापूर येथील अ वर्ग व सर्व क वर्ग सभासदांना या बाबत मोबाईल वरुन व्हटसॅप मेसेज पाठविणेची व्यवस्था केली आहे. सभासदांनी आपले ओळखपत्र अथवा अन्य कागदपत्राची झेराक्स दाखवून सवलतीच्या दरातील तूप घेवून जावे, असे आवाहन कार्यकारी संचालक सुधीर कामेरीकर यांनी केले.

यावेळी संघाचे चेअरमन  एच. आर. जाधव, व्हा. चेअरमन अँड श्री एन. आर. पाटील, सर्व संचालक तसेच फैक्टरी मॅनेजर धनंजय लाड,श्रीधर बुधाले,मार्केटिंग मॅनेजर अनिल हेर्ले, संकलन व्यवस्थापक डॉ जे.बी. पाटील, असि. मॅनेजर अकौंटस प्रविण शेलार, असि. मॅनेजर मार्केटिंग आर.व्ही. देसाई, प्रितीन बासटवार, सचिन माने, उत्तम कणेरकर आदी उपस्थित होते.